Breaking News; President Joe Biden Nih Vawlei Ralpi A Chuak Kho A Ti Cang Hih

Ukraine buainak in vawlei ralpi a chuak kho men tiah American President Joe Biden nih a chim, Russia le Ukraine ramțhen ah a ummi Russia ralkap le American ralkap karlak ah buaibai nak nganpi a chuak kho tiah American President Joe Biden nih ralrinnak a pek hna, American rammi hna Ukraine ram i a ummi an um cun rianrang deuh chuak ding in a fial hna.

Vawleicung ah a țhawngbik mi ralkap bu hna lak ah pakhat a si mi Russia ralkap bu he zuamcawhnak a si lawng hmanh si lo in a ruang dangdang ruang ah a fak deuh mi buaibainak a chuah khawh caah Ukraine i a um mi American rammi hna cu a tubakin Ukraine ram, chuah tak ding a si tiah American President Joe Biden nih NBC zatlang bu he ton biaruahnak ah a chim.

Russia nih Ukraine kha a doh sual hmanh ah Ukraine ram i a ummi American rammi hna chanhchuahnak ding ah ralkap zong ka thlah hna la loh tiah President Biden nih a chim. American ralkap le Russia ralkap karlak kah dohnak a chuah sual hmanh ah American le Russia, rambhnih karlak i kahdohnak lawng si loin vawleipi he aa pehtlaimi vawlei ralpi pakhat a si tiah a chim chap. 21TCT.

Thawng pang dang relchap; Telenor Zuar Dingin Biachahmi Kongah Myanmar Mipi Himnak A Hnorsuan Caah Zuar Lo Dingin Norway Vuancichoh Cu Caan Karlak President Du Wa La Shi La Nih Ca A Kuat, Telenor cu MI Group sinah zuar dingin biachahnak an ngeih mi kong ah Myanmar mipi himnak a hnorsuan khawh caah zuar lo ding in.

Norway vuancichoh sinah caan karlak President Du Wa La Shi La nih February 10 ah cakuat in nawlnak a tuah. National Unity Government cozah tonpumhnak ah Telenor zuar dingmi fehter lo dingin bia an chah bantukin hi bantuk biachahmi kong Telenor a hmangmi Myanmar mi 18.4 nuai himnak caah a hnusuan tiah an langhter.

Telenor hi 2021 July ah Myanmar ram i a riantuannak ngol ding in MI Group sinah zuar dingin thawng an thanh. MI Group hi Lebanon hrambunh mi a si , zalonnak a upat lo mi le ralhrang sinah a hawikom mi bu a si caah nuhrin covo a kilveng mi Norway cu atu bantukin an nawl hi a si.crd-21TCT.

Be the first to comment

Leave a Reply

Your email address will not be published.


*