Breaking News: Hakha Khuapi Ah Covid – 19 Positive Thar Minung 2 Hmuh Chap A Si

Breaking News: Hakha Khuapi Ah Covid – 19 Positive Thar Minung 2 Hmuh Chap A Si

Hakha khuapi ah Covid-19 zawtnak thar an hmuh chap thawng kan theih cu kan lau cio ngai. Tuzing ah minung pa 2 an hmuh mi thawng kan theih cang, a tu nai te ah pahnih an hmuh than mi cu a poi hringhran, ralrin kan herh ngaingai, atu zing le a tu nai an hmuh mi dihlak in cun minung 5 an hmuh cang hna.

Tuzing a thar in hmuh chap mi kongah The Hakha Post langter ning: Pakukko in Hakha lei rak ra mi motor mawng pa pahnih sin in zawtnak hmuhchap a si.

Hakha sii-inn uk Dr. Mang Biak Kung nih, “An pahnih in Pakukko in a ra mi an si. Hakha khua luhnak hauka cheknak gate ah an chek hna i atu bantuk in zawtnak hmuh hi a si,” tiah The Hakha Post ah a chim.

2020 October 13, Hakha ah zawtnak ngei minung pali hmuh a si i, Hakha sii-inn ah an chiah hna. October 13 tiang Hakha sii-inn ah zawtnak ngei minung 5 an si cang.crd- The Hakha Post.

Leave a Reply

Your email address will not be published. Required fields are marked *