Australia Perth Khua Um Chin Khrihfabu Asimi Nazareth Church (UPC) Nih Sunglawi Tak In Biak Inn Lutnak An Tuah

Australia Perth Khua Um Chin Khrihfabu Asimi Nazareth Church (UPC) Nih Sunglawi Tak In Biak Inn Lutnak An Tuah

By;Ram Tin Thei: Nihin ah Perth khua i Chin Khrihfabu asimi Nazareth Church (UPC) nih an Biakinn luhnak le Pathian sinah pekchanhnak an tuahmi ah an ka sawm ve i ka vai itel kho ve. 2012 thawk ah dirhmi Khrihfabu asi i milu 150 fai an si nain an lung aa rual, an thawng taktak. An Church Pastor cu Rev. Van Hlei Thang asi.

Covid-19 restrictions ruangah mi tampi sawm khawh asilo caah; Perth Chin Khrihfabu kip i Pastors le Church Chairman/Secretary cio an sawm hna i, Roca peknak le Kutput laksawng peknak hna in caan an hmang cio ve. Zanriah zong thaw taktak in an kan dangh fawn.

Bawipa nih Chin Miphun a kan dawt hringhran. Mi ramdang i kan pemnak cio ah amah thangthatnak le biaknak hmunhma thatha a kan pek. Atu Nazareth Church hehin Perth khua ah Chin Biakinn 3 kan ngei cang. WACEC zong an remh cuahmah lio asi i, tukum donghlei or hmaikum thawk ahcun Biakinn luhnak an tuah kho ve theu lai ti ka zumh.

Covid -19 ruangah vawleipi lungre thei in kan um lio caan zongah biakinn luhkhawhnak lunglawmhnak a kan pek caah kan Pathian cungah lawmh a um hringhran ko.

Leave a Reply

Your email address will not be published. Required fields are marked *