Actress Yin Latt Nih SiiZung A Kai Mi Ralhrang Pawl A Va Hnemh Hna + Video

Kawlram lemcang thiam minthang pakhat a si ve mi Actress Yin Latt nih ralhrang sii zung ah kal in sii zung a kai mi ralhrang pawl hla a a va sak piak hna tiah thei a si. Actress Yin Latt cu ralhrang tha a pe ngai mi pakhat zong a si. Cun movie a thalk zongah hin ralhrang ralkap he a petlaih deuh mi in lem a cang mi a si. Cun nai zong ah khan ralhrang nih The Social Excellence Award zong an rak pe mi zong a si. Mah a link hi AKonThiNEWS/videos/36 hmeh piak law ralhrang sii zung ah hla a sak lio video na ozh khawh lai.

Thawng dang: Hmandaw khua mino 3 Pu Thang Bik (kum 29) le a naupa Salai Ni Dun Sang(kum 19) le Pa Lian Thio cu( kum 31) SAC ralkap nih an tlaih hna i an thah hna hnu ah an ruak van la uh tiah an chungkhar an ti hna. Kan hnuzarh cacawn ninga ni , April 8 ahkhan Pu Thang Bik le a naupa Salai Ni Dun Lian le an hawipa Pa Lian Thio hna cu ralzam in an i dornak hmun ah an eiding facang a dih cang.

caah Hmandaw khuachung ah an lut i facang an va rial, an rak kir lei ah Biakinn hmai ah SAC ralkap he an i tong an tlaih hna hi asi a thaizing April 9 ah an ruak van la uh tiah an chung le thawng an thanh hna. Hmandaw khua cu khuami nih an chuahtaknak thla 2 hrawng asi cang caah khuami nih an ruak zong an la ngamlo i,

Taungkhayan khua an sahhlawh hna nih nizaan April 11 ah khan an ruak cu an va lak i an vui hna tiah kan theih.”April 9 .Saturday ah khan cun an thi cang tiah thawng kan theih i, An ruak hmuh rih lo si tik ah kan zum kho rih lo Taungkhayan ummi Kan chungkhat kan va zoh ter hna le, Aaa kan si ngai ngai ko e, an kan ti e, Sunday lawng ah bia fiang kan thei ve” tiah Pu Thang Bik i a farnu nih The Chin Post ah a chim.

Ralzam nak ah eiding facang a um tilo caah ka pa nih khuachung ah facang rial a fial hna i an rial dih i an kir lei ah SAC ralkap he an i tong i an tlaih hna hi asi,Hmandaw khua cu khuapi tein kan chuahtak cang i minung pakhat hmanh khuachung ah an umlo tiah a chim chap.TFT

Be the first to comment

Leave a Reply

Your email address will not be published.


*