Actress Aye Wutyi Thaung Cu A Rau Hlan Ah Pasal A Ngei Cang Lai

Actress Aye Wutyi Thaung cu a rau hlan ah pasal a ngei cang lai. Actress Aye Wutyi Thaung cu kawlram ah lemcang thiam lei in kawlram mipi nih an uar taktak mi le thazaang an pe taktak ve mi kawlram minthang pakhat a si. Actress Aye Wutyi Thaung cu a ra lai mi may 2 nii ah a duhdawt mi a tlangval pa M ZawZaw Latt he thai ram Bangkok , Calvary Baptist Churgh ah thitumnak an tuah lai tiah thei a si.

Thawng dang: Sagaing ramṭhen peng 30 leng ah ‘Ram nih a ngeih mi a si’ tiin inn chuhpiak i, hrenh mi inn le hmunhma 100 fai a um cang, tiah Monywa ramkheltu hna sin in theih a si. “Nizaan ah Chaung Oo,  Yan Aung Me sang ah Ko Min Khanh Zaw  inn cu an hrenhpiak i, nihin April 26 zing zong ah Yinmapin C sang ah CDM a tuahtu Education Department rianṭuan U Maung Maung Swe  inn zong an chuh fawn,” tiah an chim.

Atu bantuk in inn le lo chuh le hrenhpiak a tong mi hi Sagaing ramṭhen chung peng 30 leng in inn 100 leng a si cang, tiah theih a si. Sagaing ramṭhen Ministry of Border Affair zung rianṭuan he naihniam in a um mi pakhat nih cun, “Building le hmunhma cheukhat cu ram nih a ngeih mi a si tiin tawh an hrenhpiak mi hna hi Shwe Bo pengkomh peng 6 le Monywa pengkomh peng 4 ah a voikhatnak an hrenhpiak hna. Cun, a dang a taang mi pengkomh ah a voihnihnak an pehzulh ṭhan,” tiah a chim. Inn le lo chuh le hrenhpiak a tong mi hna hi chawlettu(sumdawng), CDM cozah rianṭuan le MP pawl an si, tiah theih a si. Crd- the chin post

Thawng dang: Myanmar Ram Pumpi In April 26, Nikhat Chung Ah SAC Ralkap 40 AnThi. Myanmar ram pumpi in dohthlennak tuah hnu April 26, 2022 nikhat chung kahdohnak ah SAC ralkap 40 an thi i a nung in tlaih mi le CDM a tuah mi zong an um tiah Yangon Khit Thit nih a thanh.Cazin ning ah SAC ralkap a thi mi hi Sagaing ramthen Myaung ah 6, Ban Moh  ah 3, Shwe Bo ah 8,Taningtharyi ramthen Dawei ah 12, Karenni ramkulh Pharuso ah 4, Magwe ramthen Pakokku industry zone ah 7, an dih lak 40 an si, 6 a nung in tlaih an si i 4 CDM an tuah. Yangon ramthen Kayan ah mah le ma baomb i puah sual nak in PDF 2 an nunnak liam. Crd- the chin post

Be the first to comment

Leave a Reply

Your email address will not be published.


*