A Tlangvaal Pa He An I Ton Hnu A Kir Lei Ah Palek Bawinu An Tlaih

A Tlangvaal Pa He An I Ton Hnu A Kir Lei Ah Palek Bawinu An Tlaih Sagaing ramthen, Pale peng, Pale Gangaw lam ah a luancia January 28 ah mipi thuam i hruk in palek bawinu pakhat kan tlaih tiah Pale Jokers PDF sinin theih a si. An tlaihmi nu hi Yangon ramthen, Insein peng Insein palek sakhan ah riantuanmi Ma Phyo Wine Tan (palek bawibik chang) cu a luancia.

January 30 ah tuanvo ngeitu hna sinah an pekchanh cang hna tiah Pale Jokers PDF tuanvo ngei pakhat nih a chim. tlangsang ah kan tlaih, a nih hi CDM a tuahmi a si lo, a dawtmi he an vei i tong, a dawtmi zong palek a si, a dawtmi he an i ton an kir lei ah an tlaih, 30 ah phung bantukin cunglei ah kan pekchanh tiah ” a chim. Ralhrang kuttang ah pehzulh in riantuan in CDM a tuah duh lo mi hna Pale peng minung hna cu luhhnawh in tlaihkhihnak kan tuah lai tiah a bia a peh chap.crd-21TCT

Thawng pang dang relchap; SAC Sawmmi Remdaih Biaruahnak ah CNF Kai Tim Lo. SAC sawmmi Myanmar ram remdaihnak kong ton biaruahnak ah kan kai lai lo, tiah CNF chimnak nawlngei Salai Htet Ni nih Khit Thit Media biahalnak ah a chim. Atulio kan ram sining zoh tik ah dohthlennak tuah cuahmah lio a si bantuk in mipi lei ah kan ttan ko a si ahcun,

SAC nih a tuahmi ramkhel biaruahnak le cawlcanghnak pawl ah kan i teltum awk a si lo. Sawm zong ah kal awk a si lo. 2008 Phunghrampi a cohlangmi cu a kai zong an kai ko lai. Asinain, kannih cu 2008 Phunghrampi a cohlangmi kan si lo. Uknak an chuh hnu in SAC he biaruahnak ngeih kan i tim lo. Kan kai lai lo,” tiah Salai Htet Ni nih a chim.

Chinland Joint Defense Committee (CJDC) chungtel ralkap bu hna he lungkhat-thinkhat tein pehzul in ral kan do lai, tiah a chim chap. A pikpak in raldoh loin hmun khatte ah kan ral kan doh tti khawh nakhnga CJCD kan dirh cang. CJCD tlangtlaknak in hmun kip ah ralkap thazaang kan chap lai i, pehzul in ral kan do lai.

Nihin ni caan hi raldohnak lei ah lungkhat tein kan um tti caan a si. Thih ah thih tti, nun ah nun tti timi lungput he pehzul in kan ral kan do lai,” tiah a chim. Nizaan nai February 6 ah SAC nih Tlangcungmi hriamtlai pawl he biaruahnak ngeih ding in sawmnak ca a rak chuah. KNU, AA, TNLA le MNDAA hruaitu hna zong nih SAC sawmmi remdaih biaruahnak ah kan kai lai lo, tiah a chim cio. Crd- TCJ

Be the first to comment

Leave a Reply

Your email address will not be published.


*