A Sakbik Nuva Hna Konglam Le An Sangzat

Vawlei Cungah Nuva Khuah Lakah Tung Sangbik Tuluk Nuva! Vawlei cung nuva khuah vialte lakah tung sangbik nuva tiah chinchiahmi cu Tuluk ram Sun Mingming le a thaisungnu Xu Yan an si. Sun Mingming hi pi (feet) 7 le letmah 8 bak a tung a sang i, a thaisungnu hi pi 6 le letmah 1 bakin a tung a sang ve. Annih pahnih hi kum 2009 ah Tuluk ram pumpi lentecelhnak puai ah an i tong hna i, kum 2013 August 4 ah kutsihnak an tuah. Sun Mingming cu Basketball thiammi a si i, Xu Yan cu handball thiammi a si.

Thawng pangg dang relchap; Mino Hna I Fimnak Le Zuamnak Thawngin Caan Rau Lo Teah Hriamnam Serchuah Khawh A Si Tiah Runvennak Lei Nih Chim! Generation-Z mino hna i fimthiamnak hmangin caan rau lo ah hriamnam searchah khawh a si tiah NUG cozah i runvennak zung leiah chungtel pakhat U Naing Htu Aung nih a chim. Generation-Z hna i zuamnak le fimthiamnak ruangah kum tampi lawngah serchuah khawh dingmi cu caan rau lo teah hriamnam serchuah a si.

Hriamnam cawknak leiah harsatnak a um hmanhah atu ahcun serchuah khawh a hung si cang tiah U Naing Htu Aung nih NST he tonbiaruahnak an ngeih nakah a chim. Kum khat chungah tlangcungmi hriamtlai phu i tel in chain of command timi tuah khawh a si cang i, hmunkip ah aa then cheumi Local Defence Force hna zong zeimawzat cu hmunkhat ah fonh khawh a si tiah a chim.

Atu ahcun mipi vengtu ralkap dihlak cu zulhphung ningcang tein kan tuah khawh dih cang pinah mipi vengtu hna cu code of conduct zong a hlei in cawnpiak an si cang tiah a chim chih. PDF phu cu an tam tuk i, hmunkip ah an um ko nain SAC ralhrang ralkap he zulhphung kongah tahchun awk um lo tiangin an tha/an ngei tiah amah nih a chim.

Runvennak ministry department nih kahdohnak caah a herh taktakmi minung thazaang cu tlamtling in kan ngei dih cang bangin hriamnam lei zongah zeimawzat tiang cu kan tlamtlin khawh cang tiah amah nih a chim.crd-the federal times.

Be the first to comment

Leave a Reply

Your email address will not be published.


*